Ashtu siç Ronaldinho asistonte për të në vitin 2005, kur do të shënonte golin e parë me Barçën, ashtu ka vepruar edhe Lionel Messi në ndeshjen e kësaj të diele ndaj Levantes.
Dy asiste perfekte për 17-vjeçarin Fati, i cili nuk ka hezituar aspak, por e ka dërguar topin dy herë në rrjetën e Levantes, duke rikthyer Barcelonën te fitorja në La Liga.
Në fundin e ndeshjes, Levante ngushtoi rezultatin, por ishte tepër vonë për të kërkuar një pikë në Camp Nou.
Me këtë fitore, Barça shkon në kuotën e 46 pikëve, 3 më pak se Reali i vendit të parë.