Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Nisma anti KÇK, Soko: Dublim i ligjit antimafia dhe SPAK

Nga A2 CNN
5 Shkurt 2020, 10:34 | Politikë
Nisma anti KÇK, Soko: Dublim i ligjit antimafia dhe SPAK

Pano Soko, aktivist i nismës “Thurje”, deklaroi në studion e “Ditari” në A2 se nisma anti KÇK “është dublim i ligjit antimafia dhe SPAK-ut”.

“Kemi ligjin antimafia që presupozohet të realizojë të njëjtën gjë si anti KÇK. E gjithë kjo zhurmë ishte një fasadë, thelbin e të cilës nuk e kuptoj. Rilindja e ka treguar se është “on the top” për çështje imazhi. Është dublim i ligjit antimafia dhe SPAK-ut”, tha Soko.

“Po përpiqen që ta mbulojnë plagën që duhet ta kishin luftuar në themel. Krimi e ka rrënjën te politika. Unë nuk besoj se do të shkojnë deri në rrënjë, pasi godasin veten. Shpresa më e madhe është sistemi i ri i drejtësisë. SPAK-u ndoshta mund ta bëjë”, shtoi Soko.

Në lidhje me aktivitetet e nismës “Thurje”, Soko u shpreh: “Kemi një takim masiv në 15 shkurt në Tiranë, me një set propozimesh që do të diskutohen me publikun. Dhe do të diskutojmë se çfarë i duhet vendit për të dalë nga kolapsi 30-vjeçar. Na duhet një ringritje si shtet. Kjo eksperiencë i ka bërë ekspertë njerëzit dhe të gjitha kanë diçka për të thënë dhe për të propozuar. Sa më shumë të diskutohet, aq më shumë vendime të mira do të merren”.

A2 CNN Livestream

Ditari nga Bruna Çifligu