Reshjet e borës që kanë vijuar për gjatë gjithë ditës në qarkun e Korçës kanë shkaktuar probleme me qarkullimin në disa zona.
Aktualisht konstatohet e bllokuar zona e Dardhës, Qafa e Qarrit në Ersekë, Zona e Liqenasit si edhe Vithkuqi dhe zona e Lekasit. Reshjet e borës vijojnë të bien me intensitet të lartë duke e bërë të vështirë qarkullimin pa zinxhirë.
ARRSH bën me dije se kontraktorët janë në terren dhe po hapin dhe kriposin akset më problematike, ndërkohë që i bën thirrje drejtuesve të mjeteve që të kenë kujdes dhe të pajisen me zinxhirë.