“Bashkë për Shqipërinë”, mbi 100 shtete në Bruksel për donacionet për tërmetin – A2

“Bashkë për Shqipërinë”, mbi 100 shtete në Bruksel për donacionet për tërmetin

KR KONFERENCA E DONATOREVE frame 1430 1100x620
Video

Vendet e Ulëta dhurojnë 3 milionë euro për rindërtimin e objekteve të dëmtuara nga tërmeti i 26 nëntorit që goditi Shqipërinë. Ishte Ministri i Jashtëm Stef Blok, i cili konfirmoi shumën që Mbretëria do të japë për vendin tonë. “Tërmeti shkatërrues që goditi Shqipërinë vitin e kaluar na tronditi të gjithëve. Vendete Ulëta janë të përkushtuara fort që të ndihmojnë Shqipërinë në përpjekjet për rindërtim”, tha ai të premten.

Ndërkohë një shumë prej 15 milionë eurosh është njoftuar më herët nga Komisioni Europian, si ndihmë e parë për të prekurit nga tërmeti.

Ndërsa Shqipëria qëndron gjithmonë me sytë nga Brukseli për negociatat, këtë të hënë do të jenë të gjithë në Bruksel me sytë nga Shqipëria, në konferencën e donatorëve “Bashkë për Shqipërinë”. Sipas agjendës së siguruar nga A2, fjalën hapëse do ta ketë Presidentja e Komisionit Europian, Ursula von Der Leyen, Kryeministri Edi Rama dhe Presidenti i Këshillit Europian Charles Michel.

Shqipëria shkon në Bruksel me një faturë mbi 1 miliardë euro në xhep, që do t’i duhet për rimëkëmbjen e vendit. Shifër kjo që shefin e qeverisë shqiptare nuk e ka bërë shumë optimist se mund të arrihet nga donacionet më 17 shkurt.

  • LAJMI I FUNDIT | Konferenca e Donatorëve, mblidhen 1,15 mld euro për rindërtimin pas tërmetit
  • LAJMI I FUNDIT | Franca ofroi 60 milionë euro, Gjermania 11 milionë, Serbia 2 milionë
  • LAJMI I FUNDIT | Suedia, 5,6 milionë euro fonde dhe grante, Holanda, 3 milionë euro
  • LAJMI I FUNDIT | Danimarka dhe Polonia ofruan nga 2,7 milionë euro për rindërtimin
  • LAJMI I FUNDIT | Greqia, 2,5 milionë euro, Sllovakia, 250 mijë euro, Sllovenia, 300 mijë euro
  • LAJMI I FUNDIT | Grupi Islamik i Zhvillimit ofroi 365 mln euro në programe financimi, 50 mln euro
  • LAJMI I FUNDIT | Emiratet e Bashkuara Arabe do ndërtojnë 2 mijë njësi banimi, rreth 70 mln euro
  • LAJMI I FUNDIT | Katari, 5 milionë dollarë, qeveria amerikane ofroi 5 mln USD në total