Konferenca e Donatorëve, Basha: Të nisë menjëherë puna, fondet të përdoren me transparencë – A2

Konferenca e Donatorëve, Basha: Të nisë menjëherë puna, fondet të përdoren me transparencë

MB BASHA DHOMA AMERIKANE frame 246 1100x620

Edhe kreu demokrat, Lulzim Basha, ka reaguar pas Konferencës së Donatorëve, duke falënderuar vendet pjesëmarrëse dhe duke bërë thirrje që të nisë menjëherë puna dhe me përgjegjësi dhe transparencë.

“Të gjitha donacionet ndërkombëtare për popullin shqiptar për dëmet e pas tërmetit të 26 nëntorit janë të bekuara dhe të mirëpritura.

Falenderime dhe mirënjohje për çdo vend, çdo organizatë dhe çdo institucion ndërkombëtar që i gjendet pranë qytetarëve shqiptarë në këtë moment të vështirë.

Detyra jonë është të bëjmë gjithçka që këto kontribute të shërbejnë vërtet për ndihmë ndaj njerëzve në nevojë.

Është e rëndësishme që të nisë menjëherë puna dhe fondet të përdoren me përgjegjshmëri dhe transparencë për të ndalur  keqpërdorimin dhe abuzimin me to”, mbyllet reagimi i Bashës.