Me llogari femrash në rrjetet sociale, Hamas ka përgjuar ushtarët izraelitë

MB HAMAS PERGJIMET frame 635 1100x620

Dhjetëra ushtarë të izraelitë janë përgjuar nga militantë të grupit Hamas. Ky zhvillim është pranuar nga vetë ushtria e shtetit hebre. Sipas raportimeve, militantët e Hamasit, të cilët përdornin llogari femrash në rrjetet sociale, u kërkonin ushtareve izraelite që të shkarkonin një aplikacion.

Ky program në smartfonë i siguronte grupit palestinez, qasje në sistemin audio të pajisjeve elektronike. Ushtria e shtetit hebre thotë se nuk ka pasur vjedhje të konsiderueshme informacioni, përpara zbulimit të skemës së përgjimit.

Hamasi, që kontrollon Gazën, dhe Izraeli e shohin njëri-tjetrin si armiq të përbetuar. Kjo ishte hera e tretë ne pak kohe, që ky grupim palestinez tenton të përgjojë telefonat e anëtarëve të forcave të armatosura të Izraelit.