Tre fuoristrada gjejnë “parkimin” në detin e Vlorës, ende nuk dihen shkaqet

vloraaa 1100x620

Tre automjete tip fuoristrada janë gjetur mëngjesin e sotëm në ujerat e detit, pranë plazhit të ri në Vlorë.

Fuoristradat janë gjetur thuajse njëra pas tjetrës, ç’ka tregon se kane tentuar të tërheqin njëra tjetrën por më pas kanë mbetur në ujë.

Policia ka nisur verifikimet dhe kontaktet me pronaret e mjeteve që janë gjetur në det.

Dyshimet flasin se njëri prej mjete ka tentuar të tërheqë apo të lëshojë një gomone dhe ka mbetur në ujë, ndërsa dy mjete e tjera kane mbetur në tentativë për të nxjerre mjetin e pare.

Ende nuk dihet nëse kemi të bëjmë me ndonjë tentative për aktivitet të paligjshëm apo është thjesht një aksident i pazakontë.