Komisioni i Pavarur i Kualifikimit ka konfirmuar në detyrë prokurorin Thoma Jano. Gjatë verifikimit të kritereve, u konfirmua se Jano nuk kishte fshehje të pasurisë, deklarime të rreme apo konflikte interesi, ndërsa nuk u gjet asnjë provë apo informacion për të ngritur dyshime mbi kontaktet e tij me krimin e organizuar.
Në fund të vitit të kaluar Jano u emërua si zëvendësprokuror i Përgjithshëm dhe drejtor i Përgjimeve, nga kreu i organit të akuzës, OIsian Çela, me një mandat dyvjeçar.
Thoma Jano nisi punën si prokuror pas vitit 1997, si kreu i prokurorisë së Tiranës, gjatë kohës që organi i akuzës drejtohej nga Arben Rakipi. Më pas ai vijoi të jetë prokuror në Prokurorinë e Përgjithshme për t’u emëruar në sektorin e përgjimeve në kohën kur këtë prokurori e drejtoi Adriatik Llalla.