Ramush Haradinaj i drejtohet sërish kryeministrit Albin Kurti lidhur me heqjen e tarifës ndaj Serbisë. Në një letër të hapur, të publikuar në Facebook, kritikon dialogun dhe kërkon që tarifa të mos hiqet vetëm për rikthim në bisedime.
“Ofro heqjen e taksës për Kontratën Finale për njohje në kufijtë ekzistues, jo për rikthim në proces dialogues tashmë të konsumuar e komprometuar”, shkruan Haradinaj.
Gjithashtu thekson se qeveria Kurti do të ketë mbështetjen e tij dhe të Aleancës për Ardhmërinë e Kosovës, vetëm nëse taksa hiqet për njohje reciproke.
Në fund të letrës, ish-kryeministri e paralajmëron Kurtin se nëse zgjedh të dialogojë do të jetë përgjegjës për pasojat.