Shkëmbimi i territoreve, Palmer: SHBA e hapur për këtë ide. Grenell përgënjeshtron – A2

Shkëmbimi i territoreve, Palmer: SHBA e hapur për këtë ide. Grenell përgënjeshtron

palmer grenell 1100x620

Amerika nuk përjashton idenë e shkëmbimit të territoreve mes Kosovës dhe Serbisë, pavarësisht kundërshtimit gjerman. Kështu raporton media “EUObserver”, duke cituar zëvendës ndihmësin e sekretarit të shtetit, Matthew Palmer.

 Zyrtari i Uashingtonit thotë se i takon Prishtinës dhe Beogradit që të vendosin parametrat e dialogut. “Ne dëshirojmë që të shohim njohje reciproke mes Kosovës dhe Serbisë, si rezultat i procesit negociues”, shprehet ai.

Megjithatë, raportimi i medias “EUObserver” është kritikuar ashpër nga i dërguari i posaçëm i Shteteve të Bashkuara për dialogun, Richard Grenell.

 “Është lajm fals. Ju kurrë nuk më keni telefonuar apo shkruar për të më pyetur”, shkruan Grenell në një status në Twitter.

Ai më tej thotë se do të mbështesë atë që palët mund të bien dakord, ndërsa bën me dije se fokusi i tij është në zhvillimin ekonomik dhe jo në politikë.