Klubi i Tiranës ka publikuar listën e çmimeve të biletave për derbin Tirana-Partizani që do të luhet ditën e premte, në orën 18:00.
Bileta në tribunën qendrore kushton nga 3000 deri në 5000 lekë. Në tribunën përballë, bileta kushton 1500 lekë, ndërsa në tribunat pas portave çmimi i një bilete shkon në 500 lekë.
Pavarësisht kostove financiare për dëmshpërblimin e stolave të thyer nga tifozët, klubi "bardheblu" ka vendosur që të mos rrisë çmimin e biletave për derbin ku pritet që stadiumi të mbushet plot.