Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

Udhëtim në Nju Jorkun e vitit 1911, me cilësinë 4K

Nga A2 CNN
26 Shkurt 2020, 11:33 | Lifestyle

Një video e vitit 1911 e titulluar, “Një udhëtim përmes qytetit të Nju Jorkut”, është rikthyer në jetë më shumë se një shekull më pas përmes inteligjencës artificiale.

E xhiruar fillimisht nga një kompani suedeze prodhimesh kinematografike, video në bardhë e zi është restauruar në cilësinë 4K, me 60 “frame” për sekondë. Materiali 8-minutësh është përpunuar nga Denis Shiryaev, një prodhues videosh për YouTube, që ka kryer edhe më parë transformime të tilla.

https://youtu.be/hZ1OgQL9_Cw

Video është përmirësuar duke përdorur programe të fuqishme si “Gigapixel AI” dhe “DAIN”. Video fillimisht është shfaqur në Muzeun e Arteve Moderne (MOMA) në Nju Jork, ndërsa pak ditë më parë është botuar në YouTube nga Shiryaev.

Në video tregohet jeta e përditshme në Nju Jorkun e atyre viteve, ndërsa në një moment shfaqet edhe Statuja e Lirisë, ura e Bruklinit, apo godina “Flatrion”, disa nga monumentet më të famshme të atij që konsiderohet si një prej qyteteve më të bukur në botë.

A2 CNN Livestream

Dita jonë