Atalanta e këtij sezoni është një makineri golash në Serie A. Pasi tronditi Torinon, duke i shënuar 7 herë në stadiumin e saj, skuadra e Gasperinit i ka bërë të njëjtën gjë edhe Lecce-s në transfertë.
Pjesa e parë e ndeshjes u mbyll në barazim 2-2, por në pjesën e dytë, Atalanta shënoi edhe 5 herë të tjera, duke e vulosur rezultatin në 2-5. Zapata ishte lojtari i ndeshjes, pasi arriti të shënojë 3 gola.
Me këtë fitore, Atalanta marshon e qetë drejt një vendi në Champions League, në kuotën e 48 pikëve, 6 më shumë se Roma e vendit të pestë. Ajo që bie më shumë në sy te kjo skuadër është golavarazhi, pasi ka arritur të shënojë 70 herë dhe ka pasur 34 gola.