Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Në listën e të kërkuarve të policisë, ja kush janë 3 vrasësit ende në liri

Nga A2 CNN
1 Mars 2020, 14:49 | Kronikë

Policia e Shtetit ka vijuar të publikojë emrat e personave të kërkuar prej saj për vepra të rënda penale dhe që janë shpallur fajtorë për të kaluar shumë kohë në burg.

Gjatë ditës së diel policia ka publike identitetet dhe krimet e rënda të tre të kërkuarve të tjerë, të dënuar për vrasje.

Të kërkuarit e policisë

Dritan (Gramos) Rexhepi

Në listën e të kërkuarve të policisë, ja kush

Në datën 6 janar 1999, në Krujë, shtetasi Dritan Rexhepi ka vrarë me armë zjarri shtetasit D. K. dhe R. B. Dritan Rexhepi është dënuar me 25 vjet burg, nga Gjykata e Apelit për Krime të Rënda Tiranë, për veprat penale “Vrasja me dashje për shkak të cilësive të veçanta të viktimës”, “Plagosja e rëndë, me pasojë vdekjen” në bashkëpunim dhe “Armëmbajtja pa leje”.

Bledar Mneri

Në listën e të kërkuarve të policisë, ja kush

Në datën 30.11.2015, në Tiranë, shtetasi Bledar Mneri ka vrarë shtetasin V. B.  Gjykata e Shkallës së Parë Tiranë i ka vendosur dënimin me 25 vjet burg, për veprat penale “Vrasja me paramendim" dhe "Armëmbajtja pa leje”.

Gazment Nebiu

Në listën e të kërkuarve të policisë, ja kush

Ky shtetas ka qenë pjesëtar i bandës së armatosur “Banda e Kakamit” dhe për këtë arsye  Gjykata e Shkallës së Parë për Krime të Rënda e ka dënuar me 25 vjet burgim, për veprat penale “Vrasja me paramendim” e kryer në bashkëpunim, “Krijimi i bandës së armatosur”, “Vrasja me paramendim, e kryer në bashkëpunim, në kuadër të bandës së armatosur” (3 herë), “Vjedhja me dhunë, e kryer në bashkëpunim, në kuadër të bandës së armatosur” dhe “Armëmbajtja pa leje, në kuadrin e bandës së armatosur”.

A2 CNN Livestream

Debat - nga Alba Alishani