Të pish gjakun e kobrës, stërvitja ekstreme e marinësve amerikanë – A2

Të pish gjakun e kobrës, stërvitja ekstreme e marinësve amerikanë

Mijëra marinës amerikanë kanë marrë pjesë në stërvitjen e përvitshme ushtarake “Cobra Gold”, që konsiston në disa ushtrime ekstreme që të përgatisin për mbijetesë në kushte të vështira.

Në këtë event që zgjat 10 ditë marrin pjesë edhe ushtarë nga 29 vende të tjera si Singapori, Kina, Japonia, India, Koreja e Jugut, Indonezia dhe Malajzia.

Nga fotot që vijnë nga Tajlanda, marinsët amerikanë shihen duke pirë gjakun e një kobre pa kokë, që thuhet se është një burim i mirë për hidratim nëse gjatë një misioni në xhungël nuk ka ujë për të pirë.

Marinsat detyrohen edhe që të hanë gjallesa xhungle si akrepë, marimanga të mëdha dhe insekte të tjera.