Arsenal ia doli të kalojë në çerekfinalet e FA Cup, trofeut më të vjetër në futboll. Pas eliminimit dramatik në Europa League, ku u ndëshkuan nga Olympiakos me një gol në sekondat e fundit, “Topçinjtë” bënë detyrën duke mundur 2-0 ekipin e Portsmouth, i cili luan në League 1 (kategoria e tretë e futbollit anglez).
Mbrojtësi grek Sokratis dhe sulmuesi Nketiah, me një gol në secilën pjesë, mjaftuan për Arsenalin që të kalojë në turin tjetër.
Në çerekfinalet e FA Cup, londinezët mund të përballen me një derbi pasi kundërshtarë do të jetë një mes Tottenham dhe Norwich.