Alejandro Gomez është nxehur me gazetarët spanjollë të cilët janë munduar t’i marrin disa deklarata menjëherë pasi skuadra e Atalantës mbërriti në Valencia, aty ku do të luajë ndeshjen e kthimit të 1/8 të Champions League.
Arsyeja është se gazetarët nuk respektuan distancën e sigurisë në lidhje me koronavirusin.
“Nuk mund të bëni intervistë tani. Çfarë po bëni?”, i thotë gazetarëve kapiteni i Atalantës.
Kur gazetarët dhe telekamerat vazhdojnë që ta ndjekin, Gomez i ofendon duke i thënë “palaço”.