Sondazh: Destinacionet e fundjavave tuaja janë:
  • Bregdeti 67%
  • Zonat malore 17%
  • Qendrat historike 17%

Infermieri vret të fejuarën mjeke: Më ngjiti koronavirusin

Nga A2 CNN
1 Prill 2020, 16:20 | Bota

Gjatë këtyre ditëve koronavirusi ka qenë protagonist i një drame kolektive, por në disa raste mund të jetë edhe thjesht sfondi i një tragjedie familjare.

Një infermier italian, Antonio De Pace, nga një qytezë siciliane afër Messinës është arrestuar pasi ka vrarë të fejuarën e tij, e cila ishte studente e mjekësisë. Arsyeja? “Me ka ngjitur koronavirusin”, i deklaroi policisë vrasësi.

Infermieri 28-vjeçar dhe studentja ishin njohur në Poliklinikun e Messinës, ku 26-vjecarja Lorena Quaranta po kryente praktikën.

Antonio dhe Lorena, çifti në rrjetet sociale dukej i lumtur

Mbeten mister shkaqet e vërteta të vrasjes, nga momenti se dy tamponët mbi infermierin kanë rezultuar negativë dhe se çifti në rrjetet sociale dukej i lumtur.

Vrasja tronditi qytezën e Furcit, aq shumë saqë kryebashkiaku ka kërkuar që të zhvillohen funeralet të paktën në mënyrë private, edhe pse kjo gjë nuk lejohet më nga masat italiane kundër përhapjes së pandemisë së koronavirusit.

A2 CNN Livestream

Debat - nga Alba Alishani