Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Pozitiv edhe efektivi në Vorë, nisin testimet zinxhir

Nga A2 CNN
1 Prill 2020, 16:53 | Aktualitet
Pozitiv edhe efektivi në Vorë, nisin testimet zinxhir

Një efektiv i Komisariatit të Vorës u prek nga Covid-19. I riu mësohet se ka qenë në patrullat e lëvizshme të policisë, ndërsa rasti ka bërë që strukturat shëndetësore të testojnë dhe të gjithë trupën e Policisë së Vorës.

Ky është rasti i katërt ku policët preken nga koronavirusi në të gjithë vendin. Fillimisht, një prej uniformave blu u diagnostikua në Korçë. Ai kishte pasur histori udhëtimi me një nga vendet e prekura nga Covid-19, por fatmirësisht asnjë familjar i tij nuk shfaqi shenja, madje gruaja e tij rezultoi negative në testin e parë.

Në Durrës, një tjetër uniformë rezultoi pozitiv në testin për koronavirus. Ai u transportua me urgjencë në repartin e Infektivit në Tiranë, ndërkohë që familjarët e tij u vetizoluan.

Në Shkodër, Covid-19 preku dhe një oficer të Policisë Gjyqësore në Prokurorinë e Shkodrës. Ai dyshohet se është infektuar gjatë kontaktit me klandestinët nga Siria që kalojnë në Shkodër. Si masë parandaluese dhe përhapëse, të gjithë personat e familjes së OPGJ-së u vetizoluan, ndërsa oficeri ishte i vetëkarantinuar prej10 ditësh.

Ndërkohë, për t’u ardhur në ndihmë efektivëve policia ka zbritur në terren dhe psikologët. Kjo për arsye se nga pyetjet që u janë bërë pjesës më të madhe të patrullave të përgjithshme, përgjigjet e tyre janë në përqindje të konsiderueshme mes frikës dhe panikut për infektimin e familjarëve të tyre.   

A2 CNN Livestream

Dita jonë