Një episod krejt i pakëndshëm i ka ndodhur sot yllit të Barcelonës dhe kombëtares argjentinase, Leo Messi.
Sipas asaj që raportojnë disa media britanike, avioni i tij privat ka kryer një ulje emergjence në Bruksel, teksa ishte rrugës për në Tenerife.
Nuk dihet nëse lojtari i njohur ndodhej brenda mjetit fluturues, por avioni po vinte nga Brazili dhe ishte i drejtuar në ishullin spanjoll kur pati probleme dhe u detyrua të ulej në aeroportin Zaventem. Avioni tentoi pas një ore të fluturonte sërish, por problemi nuk u zgjidh dhe u kthye sërish në Belgjikë.
Mjeti i tipit Gulfstrem me 16 vende pak më parë kishte udhëtuar për 6 orë nga San Carlos në Argjentinë deri në Recifen braziliane.