Dita e tretë e prillit shënon numrin më të lartë të të prekurve javën e fundit nga koronavirusi. 27 raste të reja janë konfirmuar me Covid-19, duke e çuar në 304 numrin e të infektuarave në Shqipëri. Pjesa më e madhe e të infektuarve të rinj, janë banorë të Shkodrës, anëtarë të dy familjeve, mes tyre i prekur edhe një fëmijë. Ndërkohë, shkon në 9 numri i fëmijëve të infektuar me Covid-19 dhe gjendja e tyre deri tani paraqitet e mirë.