Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Patriarku ortodoks rus del rrugëve të Moskës për të ndaluar koronavirusin

Nga A2 CNN
3 Prill 2020, 20:08 | Bota
Patriarku ortodoks rus del rrugëve të Moskës për të

Patriarku i Kishës Ortodokse Ruse, Kirill doli nëpër rrugët e Moskës mëngjesin e së premtes me një ikonë të shenjtë, për t’u lutur për ndalimin e koronavirusit.

Ikona e shenjtë e Virgjëreshës Mari përshkoi 106 kilometra në rrugët e kryeqytetit rus, në një procesion me makina të zeza që u transmetua nga televizioni shtetërore, përpara se të kthehej në katedrale, ku u mbajt dhe një shërbesë.

https://www.youtube.com/watch?v=an-kc9CmNCM

Patriarku Kirill deklaroi se do ta vazhdojë këtë lloj lutje, në rrugët e Moskës dhe iu bëri thirrje qytetarëve që të respektojnë masat kufizuese, të vendosura nga autoritetet për të parandaluar përhapjen e pandemisë.

Moska konsiderohet epiqendra e Covid-19 në Rusi dhe që prej të hënës ka ndërmarrë masa shtrënguese. Deri tani në Rusi regjistrohen 34 viktima nga koronavirusi dhe mbi 4140 persona të infektuar.

A2 CNN Livestream

Dita jonë