Kryeministri i Britanisë së Madhe, Boris Johnson, është shtruar në spital, raporton BBC, 10 ditë pasi rezultoi i prekur nga koronavirusi i ri, që shkakton sëmundjen Covid-19.
Lajmin e konfirmoi edhe Downing Street, selia e kryeministrit. Një zëdhënese tha për mediat se Johnson "vazhdonte të kishte simptoma të vazhdueshme të koronavirusit".
Vendimi për shtrimin në spital u pëshkrua si një masë parandaluese, e marrë pas këshillimit nga mjeku i tij.
Johnson do të vazhdojë të drejtojë kabinetin qeveritar edhe pse deri tani ka pasur kollë dhe temperaturë të lartë, çka ka bërë që të shtrohet për testime të mëtejshme.