Instituti Kombëtar i Shëndetit Publik në Kosovë njofton se gjatë 24 orëve të fundit janë testuar 172 persona të dyshuar si të infektuar me Covid-19, 26 prej të cilëve kanë rezultuar pozitivë me virusin vdekjeprurës.
Deri në këto momente numri i përgjithshëm i personave të prekur nga koronavirusi në Kosovë ka shkuar në 630.
IKSHPK po ashtu theksoi se gjatë të mërkurës janë shëruar edhe 10 pacientë, për një total prej 138 personash.
Kosova, që nga nisja e pandemisë, regjistron 18 humbje jete si pasojë e koronavirusit të ri me origjinë nga Kina.