Në Itali ka nisur faza e dytë edhe për futbollin. Seria A ka përzgjedhur disa data në kalendar për t’iu rikthyer aktiviteteve.
Më 4 maj, sportistët do të marrin dritën jeshile për të nisur stërvitjet individuale, por jo brenda qendrave stërvitore.
Ndërkohë, më datë 18 maj është parashikuar që të nisin përgatitjet e skuadrave, natyrisht duke ndjekur protokollin shëndetësor të autoriteteve vendore.
Për ndeshjet e kampionatit, ideja në Itali është që Seria A të kthehet në fushë ndërmjet datave 10 dhe 12 qershor. Ndërkohë, skuadrat elitare kanë nisur të organizohen, duke njoftuar futbollistët të rikthehen.