Rikthehet futbolli, por nuk është më si më parë

Kampionati gjerman i futbollit rifilloi këtë të shtunë, i pari në kontinentin europian që rinis ndeshjet pas ndërprerjes për shkak të pandemisë së koronavirusit. Gjermania, e cila duket se e ka menaxhuar më mirë krizën shëndetësore se disa prej shteteve të tjera europiane, si Italia, Spanja dhe Franca, vendosi të lejojë zhvillimin e ndeshjeve. Megjithatë, pati disa ndryshime nga futbolli që jemi mësuar të shohim zakonisht. Dezinfektimi i topit, distancimi i rezervave në stol dhe festimi në distancë i golave, janë vetëm disa nga “risitë” e detyrueshme që koronavirusi futi në sportin më popullor në botë.