Liçaj, thirrje të gjithë shqiptarëve: Të bëhemi si gjithë Evropa

licaj 1100x620

Aktori Neritan Liçaj, gjatë fjalës së tij në protestën e Aleancës për Mbrojtjen e Teatrit, u bëri thirrje shqiptarëve, me dhe pa parti, që të ndryshojnë diçka në vendin tonë.

“Ne jemi shqiptarë dhe thërrasim në kauzë të gjithë shqiptarët, me dhe pa parti, që të ndryshojë diçka në këtë vend që të bëhemi si gjithë Evropa. Nuk ka kauzë më të madhe se Teatri, aty ndodh kat’harsisi. Kjo është një çështje që na takon të gjithëve. Unë do të doja drejtësi për atë togë pushkatimi që e vrau atë Teatër Kombëtar”, tha Liçaj. 

“I bëj thirrje të gjithë shqiptarëve që të mos rrinë në shtëpi dhe të thonë “ç’më duhet mua”. Jo! Çdo gjë ka të bëjë me këtë vend, ka të bëjë me të gjithë sepse ka të bëjë me të ardhmen. Nuk bëhet ndryshimi duke ndjekur interesat tona të vogla”, shtoi Liçaj.