Rama: Më 1 qershor hapen kufijtë me fqinjët

rama 1100x620

“Duke nisur nga 1 qershori do të hapim kufijtë me fqinjët, për të gjithë shqiptarët. Ne do të vazhdojmë t’u bëjmë thirrje të gjithëve për kujdes”.

Sa i përket plazheve, ata do të hapen për të gjithë vetëm pas 10 qershorit. “Kam marrë të shara nga plazhistë pse i kishte ngritur policia nga plazhi në Dhërmi. Askush në Evropë nuk i ka hapur plazhet. Këtë javë mbyllim edhe sistemin e administrimit të plazheve dhe parimin e ‘rërës së xanum’ do i ndëshkojmë pa asnjë kompromis. Ne kemi vendosur t’i hapim plazhet nga 1 qershori vetëm për hotelet, ndërsa pas 10 qershorit për të gjithë, pa përjashtim. Asnjë kontratë e mëparshme nëse nuk do të konfirmohet nga ky autorit licencues për plazhet. Duam që hoteleria të punojë dhe të  mos konkurrohet në mënyrë të pandershme dhe paligjshme për ofertën e shërbimit për plazh”, u shpreh Rama.

Kryeministri theksoi se kjo do të jetë java e fundit e kufizimit të orareve. “Kjo do të jetë java e fundit e kufizimeve të orareve, por fundjava pa makina do të mbetet në fuqi edhe për dy fundjava të tjera”, tha Rama.

Sa i përket transportit, kryeministri u shpreh se për të do të diskutohet në fund të majit.

JA SI DO TË VAZHDOJMË TË HAPEMI NË 1 QERSHOR 😊

Gepostet von Edi Rama am Sonntag, 24. Mai 2020