Spanja do të ndalojë karantinën për udhëtarët nga 1 korriku

resortet spanjolle 1100x620

Qeveria spanjolle vijon me lehtësimin e masave kundër pandemisë së koronavirusit për të rikthyer në punë ekonominë dhe në këtë kohë turizmi, si një ndër degët kryesore të saj.

Në vendimin më të fundit, ekzekutivi spanjoll vendosi që udhëtarët e huaj, duke filluar nga 1 korriku, nuk do të jenë më të të detyruar t’i nënshtrohen një karantine 14-ditore nëse hyjnë në vend.

Kjo masë ishte paralajmëruar më herë nga ministrja e Jashtme, Arancha Gonzalez Laya, por pa dhënë detaje për datën.

Spanja tërheq çdo vit rreth 80 milionë turistë, me sektorin turistik që mundëson më shumë se 12% të Prodhimit të Brendshëm Bruto dhe për këtë arsye hapja e tregut të pushimeve përpara se sezoni veror të përfundojë është parë si një çështje kyçe për ekonominë e vendit.