Dy automjete janë përplasur me njëri-tjetrin mbrëmjen e së enjtes në zonën e ish-Bllokut në kryeqytet, ku një person ka mbetur i plagosur.
Policia ka bërë të ditur se aksidenti ka ndodhur rreth orës 22:15, në rrugën "Perlat Rexhepi". Mjeti me drejtues shtetasin K.S., 27 vjeç, është përplasur me mjetin me drejtuesin shtetasin A.N., 41 vjeç.
Si pasojë e përplasjes ka mbetur i plagosur shtetasi K.S., i cili u dërgua në spital, dhe ndodhet nën kujdesin e mjekëve.