Reforma Zgjedhore, Gjiknuri-Bylykbashi-Vasili ende në takim me përfaqësuesin amerikan, mungon Hajdari

30 MAJ REFORMA ZGJEDHORE DEKLARATE 20 30 frame 55771 1100x620

Takimi i përfaqësuesve të Këshillit Politik për Reformën Zgjedhore vijon tashmë prej dy orësh. Ata po negociojnë në praninë e një përfaqësuesi të ambasadës së Shteteve të Bashkuara në Tiranë.  

Përfaqësuesi i ambasadës amerikane mësohet të jetë Ian Crawford, ndërkohë që dyshes Bylykbashi- Gjiknuri i është shtuar edhe përfaqësuesi i LSI-së, Petrit Vasili, kurse sipas burimeve në mbledhje nuk ndodhet përfaqësuesja e opozitës parlamentare, Rudina Hajdari.

Ndërkohë, sipas burimeve nga PD, opozita i ka dorëzuar që mbrëmë propozimet për garancitë e votës në zgjedhje.

 Pjesë e këtyre propozimeve janë edhe qeveria kujdestare për zgjedhjet dhe roli i Gjykatës Kushtetuese. Diskutimi i tyre ende nuk ka nisur, por është e rëndësishme që të gjitha çështjet janë mbi tavolinën e bisedimeve.