Hungaria është vendi i parë në Evropë i cili ka hapur dyert e stadiumeve për tifozët. Një javë pas rinisjes së kampionatit të futbollit, në Hungari është rikthyer edhe publiku në shkallët e stadiumit, por jo në kapacitetin e tij të plotë.
Tifozët qëndruan në tribuna me një distancë sociale prej 3 apo 4 ulësesh.
“Pamje të jashtëzakonshme në një situatë të jashtëzakonshme”, shkruan Federata Hungareze e Futbollit për atë që u shfaq këtë fundjavë në stadiumet hungareze.
E njëjta procedurë, me një numër më të kufizuar tifozësh, pritet të ndiqet nga disa kampionate të tjera evropiane të futbollit.