Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Publikohet kalendari i F1 deri në shtator

Nga A2 CNN
2 Qershor 2020, 12:18 | Sporte të tjera
Publikohet kalendari i F1 deri në shtator

Katër ditë pasi Ministria Austriake e Shëndetësisë dha “dritën jeshile” për zhvillimin e aktiviteteve sportive në vend, Formula 1 konfirmoi për mbajtjen e dy garave të para të sezonit atje, më 5 dhe 12 korrik, si dhe të garës së tretë në Hungari.

Sipas kalendarit të publikuar nga Formula 1, më pas është programuar një pushim prej dy javësh, i ndjekur nga 2 gara në Britaninë e Madhe, një në Spanjë, e më pas në Belgjikë e Itali.

Të gjitha garat do të zhvillohen me dyer të mbyllura, ndërsa pjesëmarrësit do të ndjekin rregullat e përcaktuara për minimizimin e përhapjes së Covid-19.

F1 tha se deri në dhjetor 2020 shpreson të ketë realizuar 15-18 gara, për të përmbyllur kështu sezonin.

Kalendari i Formula 1 për vitin 2020

3-5 korrik – Çmimi i Madh i Austrisë (Red Bull Ring)

10-12 korrik – Çmimi i Madh Steiermark (Red Bull Ring)

17-19 korrik – Çmimi i Madh i Hungarisë (Hungaroring)

31 korrik-2 gusht – Çmimi i Madh i Britanisë (Silverstone)

7-9 gusht – Çmimi i Madh i 70-vjetorit (Silverstone)

14-16 gusht – Çmimi i Madh i Spanjës

28-30 gusht – Çmimi i Madh i Belgjikës

4-6 shtator – Çmimi i Madh i Italisë

A2 CNN Livestream

Ditari nga Bruna Çifligu