Shkresa e Ministrisë së Shëndetësisë, që detyroi lojtarët dhe stafin e Tiranës të kryente analizat, është kundërshtuar me të fortë nga Federata Shqiptare e Futbollit.
Sipas këtij institucioni, “Drejtoria e Higjienës në Ballsh kërkoi në mënyrë absurde që ndeshja Bylis-Tirana të mos luhej, pavarësisht protokollit sanitar të miratuar nga ministria”.
Përpos akuzave për shkeljet e institucioneve shtetërore, Federata protestoi ndaj atyre që i cilëson “burokratë të ‘paditur’ ose dashakeq, që kërkojnë t’i lënë shqiptarët pa kënaqësinë e pazëvendësueshme të futbollit”.