Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Pretendonte se kryente ekzorcizmin e koronavirusit, vdes nga Covid-19!

Nga A2 CNN
12 Qershor 2020, 21:01 | Bota
Pretendonte se kryente ekzorcizmin e koronavirusit, vdes nga Covid-19!

Një person i vetëshpallur i shenjtë në Indi, i cili pretendonte se mund të kryente ekzorcizmin e koronavirusit, duke puthur duart e njerëzve, ka vdekur nga Covid-19, ndërsa ka infektuar edhe 20 persona të tjerë.

Personi nga Ratlam në Madhya Pradesh pretendonte se mund të çlironte njerëzit nga problemet e tyre, madje puthja e dorës, sipas tij shëronte edhe të prekurit me koronavirus, pavarësisht se kjo ishte një mënyrë që mund ta përhapte më tej virusin vdekjeprurës.

Duke iu referuar zyrtarëve të shëndetësisë në Indi, “Times of India” shkroi se personi në fjalë ishte infektuar me vetëdije. Autoritetet kryen 40 tamponë të personave të kontaktit dhe 20 prej tyre rezultuan pozitivë.

Autoritetet vendase identifikuan edhe 29 persona të tjerë që pretendonin se mund të shëronin koronavirusin dhe i vendosën ata në karantinë.

Edhe pse masat janë lehtësuar që prej fillimit të kësaj jave, Covid-19 po përhapet me shpejtësi në Indi, ku deri tani janë infektuar gati 300 mijë persona, nga të cilët kanë humbur jetën mbi 8 mijë.

A2 CNN Livestream

Ditari nga Denisa Pasholli