Drejtoresha e Përgjithshme e Tatimeve, Delina Ibrahimaj, zbuloi në “A2 Business Week” se sa do t’i kushtojë buxhetit të shtetit heqja e taksave për biznesin e vogël.
“Nëse do t’i referohemi të dhënave të vitit të kaluar, pesha e këtyre të ardhurave është rreth 600 milionë lekë, një përqindje e vogël kundrejt totalit të të ardhurave, më pak se 0,5%. Është një ndihmë për biznesin e vogël, që është në numër shumë i madh, por i vogël në kontribut në të ardhura dhe në punësim”, sqaroi Ibrahimaj.
“Kjo është një mbështetje për këtë biznes me qëllim që të nxitet aktiviteti”, shtoi Drejtoresha e Përgjithshme e Tatimeve.
Në lidhje me heqjen e TVSH-së, Ibrahimaj tha: “Po bëhet një analizë nga Ministria e Financave për të gjykuar efektivitetin e kësaj mase dhe përcaktimin e pragut të përshtatshëm me qëllim që të garantohet eficenca e mbledhjes të së ardhurave”.