Real Madrid iu kundërpërgjigj menjëherë Barcelonës me rikthimin në fushën e lojës. Galaktikët nuk e kishin humbur shkëlqimin edhe pas pauzës së gjatë të La Ligas.
Përballë Valencias, ekipi që drejtohet nga Zinedine Zidane fitoi me rezultatin e pastër 3-0. Dueli në fakt nisi me një gol të Valencias, por që u anulua më pas nga VAR për pozicion të parregullt të Rodrigos.
Real arriti të zhbllokojë takimin në pjesën e dytë, me Benzema dhe Asension, sulmuesin spanjoll të rikthyer nga dëmtimi. Diferenca me Barcelonën është rikthyer edhe një herë në 2 pikë.