Nga penalizimi te dëmtimi, Eros Grezda jashtë Osijek edhe për disa javë

grezdaaa 600x338

Futbollisti i kombëtares shqiptare, Eros Grezda iu nënshtrua një kontrolli mjekësor në Kroaci, nga ku u konfirmua shqetësimi që ka pasur prej kohësh në këmbën e majtë.

Grezda rezultoi me artroskopi në kyçin e këmbës së majtë, që sipas konsultës është formuar si pasojë e problemeve afatgjata dhe aktivizimeve të shpeshta nën ndikimin e injeksioneve.

Koha e rehabilitimit për mesfushorin e Osijek nuk duket e gjatë, ndërsa klubi kroat pret që futbollisti kuqezi të kthehet së shpejti në stërvitje me intensitet të plotë.

Eros Grezda u penalizua katër ndeshje në kampionat dhe Kupë pas një incidenti për shkak të konfrontimit fizik me një lojtar të Rijekës, në parkingun e stadiumit.