Pozitivë me koronavirus 16 basketbollistë të NBA

15 6 600x338
PJ Tucker i Houston Rocket shënon në NBA / AP

Ndërsa të gjithë fansat e basketbollit po presin me padurim 30 korrikun, atëherë kur është parashikuar të rinis NBA, 16 lojtarë kanë rezultuar pozitivë.

Lajmi është konfirmuar edhe nga sindikata e lojtarëve. “Në testin e kryer te 302 lojtarë të NBA më 23 qershor, 16 prej tyre kanë rezultuar pozitivë me koronavirus. Lojtarët do të qëndrojnë në izolim”, thuhet në njoftim.

Më 1 korrik është parashikuar që të nisin stërvitjet individuale, ndërsa ekipet do të grumbullohen në “Disney World Resort”, më 7 korrik, ku është parashikuar të zhvillohen të gjitha ndeshjet.