Kryeministri Rama vijon edhe sot vizitën në Kosovë, ku u takua dje me kryeministrin e vendit, Avdullah Hoti, Presidentin Hashim Thaçi, kryetaren e kuvendit, Osmani, kreun e Vetëvendosjes, Albin Kurti e një sërë krerësh të politikës së atjeshme.
E njëjta axhendë parashikohet edhe sot me Isa Mustafën, Behgjet Pacollin dhe Ramush Haradinajn, por në një reagim të tijin, ky i fundit tha se e ka refuzuar takimin.
“Është e pamundur me u taku i padituri me paditësin. Kjo s’ka kurrfarë logjike. Nuk ndihem mirë që si i paditur të takohem me askënd e as me zotin Edi Rama”, tha Haradinaj.
Ish kryeministri i Kosovës i referohet padisë së kryeministrit Rama ndaj tij për shpifje, në lidhje me sa u deklarua pas samitit të Berlinit.