2 vdekje dhe 73 raste të reja u regjistruan në Kosovë në 24 orët e fundit si pasojë e pandemisë së koronavirusit. Instituti Kombëtar i Shëndetësisë Publike iu kërkoi qytetarëve të respektojnë masat përndryshe do të përballen me ligjin.
Maqedonia e Veriut ndërkohë vijon të jetë prijëse në rajon për nga numri i testimeve të kryera në një ditë të vetme. Nga 1653 të kryera ditën e fundit, pozitivë dolën 173 persona.
Shkupi vijon të jetë qyteti me vatrën më të madhe të infeksionit, por rritje ka edhe në Strugë dhe Ohër. Ajo që i gëzon autoritetet është numri i lartë i të shëruarve. 150 persona lanë shtratin vetëm dje. Lajmi i keq ndërkohë qëndron te vdekshmëria. 15 persona ndërruan jetë vetëm dje në Maqedoni.