Tottenham mundi 1-0 Everton në javën e 33-të të Premier League. Në duelin ku pikët kanë shumë pak vlerë, pasi të dy skuadrat renditen në mesin e tabelës, jashtë objektivave, ajo që bëri më shumë përshtypje në këtë ndeshje ishte incidenti mes dy futbollistëve të "Spurs", Hugo Lloris dhe Son.
Portieri u shfaq tepër i irrituar në fundin e pjesës së parë me koreanin, madje pati edhe konflikt fizik, por ishin shokët e skuadrës ata që shuan sherrin.
Me rifillimin e pjesës së dytë, situata u zgjidh ndërsa dy lojtarët e Tottenham u shfaqën duke u përqafuar.
Sa i përket sfidës, gjithçka u vulos nga një autogol i mbrojtësit të Everton, Majkëll Kin.