Edhe pse u fol shumë se me ardhjen e verës koronavirusi do të humbiste fuqinë e tij, nuk po ndodh aspak kështu, të paktën në Shqipëri dhe në shtetet fqinje.
Numrat janë rritur ndjeshëm, ndërsa virusi nuk ka kursyer edhe figura të njohura. 5 lojtarë të Partizanit kanë rezultuar pozitivë ditët e fundit, ndërsa pak pas mesditës u publikua lajmi se është infektuar edhe ish-kryeministri i Kosovës.
Ndërkohë, mësohet se pozitiv me Covid-19 ka rezultuar edhe mbrojtësi i përfaqësueses së Kosovës, Mirlind Kryeziu, futbollist i Zyrihut në Zvicër. “Mbrojtësi i qendrës së Zurichut, Mirlind Kryeziu rezultoi sot pozitiv në testin e koronavirusit. Që nga shfaqja e simptomave të buta, ai nuk ka marrë pjesë në stërvitje dhe aktualisht është në izolim në shtëpi me simptoma të lehta”, ka bërë të ditur klubi zviceran.