Ndryshimet kushtetuese, Presidenca: T’i jepet fund marrëzisë, distancohuni nga Haxhi Qamilët!

WhatsApp Image 2020 06 12 at 13.25.09 2 1100x620

Pas miratimit në Komisionin e Ligjeve të ndryshimeve kushtetuese për ndryshimet në kodin zgjedhor, që eliminojnë koalicionet, zëdhënësi i Presidentit Meta ka reaguar në emër të këtij të fundit.

“Lidhur me lajmet e fundit për disa ndryshime kushtetuese, Presidenti i Republikës Sh.T.Z Ilir Meta thekson se Kuvendi aktual ka vetëm 82 deputetë legjitimë, ku përfshihen edhe tre deputetët të cilët nuk pranuan të dorëhiqeshin pas vendimit të Opozitës së Bashkuar. 182 deputetë dhe kandidatë për deputetë të partive opozitare refuzuan të ishin pjesë e Kuvendit. Edhe pse shteruan të gjitha listat e partive opozitare prej 18 muajsh, Kuvendi ka formalisht vetëm 122 deputetë nga 140 deputetë që është detyrimi kushtetues. Procesi i zëvendësimit ka qenë haptas antikushtetues dhe antiligjor. Ndaj është koha t’i jepet fund çdo marrëzie, fundi i së cilës dihet qartë. E ardhmja europiane e Shqipërisë është alternativa e vetme e të gjithë qytetarëve të këtij vendi. Të gjithë të distancohen nga aventurierët dhe Haxhi Qamilët!”, shkruan Tedi blushi në Facebook.