I nxehti ekstrem në SHBA, paralajmërohen temperatura deri në 50 gradë celsius

MB SHBA MOTI frame 367 1100x620

Meteorologët në SHBA parashikojnë një gusht ekstremisht të nxehtë, që kërcënon vërtet amerikanët në këtë periudhë pandemie, duke nisur nga kjo fundjavë kryesisht në shtetet jug-perëndimore.

Shërbimi Kombëtar i Meteorologjisë paralajmëroi se temperaturat mund të arrijnë deri në 50 gradë, në shtete si Kalifornia, Utah, Arizona dhe Nevada, përfshirë edhe Las Vegas.

Temperaturat e larta do të përfshijnë të gjithë rajonin, ndërsa qytetarëve i është kërkuar që të respektojnë jo vetëm rregullat ndaj Covid-19, por edhe këshillat e ekspertëve për motin e nxehtë, ndaj duhet të qëndrojnë sa më shumë në shtëpi.

Termometri arriti në 46 gradë të premten në Feniks, Arizona dhe Kaliforni në atë që Shërbimi Kombëtar Meteorologjik e cilësoi si vapë të rrallë, të rrezikshme dhe vdekjeprurëse.