Roli i Shteteve të Bashkuara në dialogun Kosove-Serbi është i pazëvendësueshëm. Këtë e tha bashkërenduesi i Kosovës për bisedimet me Serbinë, Skënder Hyseni, pas takimeve të zhvilluara në Shtëpinë e Bardhë dhe Departamentin Amerikan të Shtetit.
Ndërsa theksoi se kishte siguruar mbështetjen e Uashingtonit në këtë drejtim, Hyseni i tha Zërit të Amerikës se dialogu me Serbinë duhet të marrë një dinamikë të re e duhet të kulmojë me njohje reciproke.
“Ka një përkushtim të pa luhatur në përkrahje te dialogut të nisur në Bruksel dhe për arritjen e një marrëveshje gjithëpërfshirëse mes dy vendeve”, pohoi Hyseni.
Ai shtoi se përshtypja për një mungesë bashkërendimi mes SHBA dhe BE ishte e gabuar dhe së shpejti do të kishte hapa konkrete të përfshirjes së Uashingtonit në dialog, krahas Bashkimit Europian