Zjarret shkrumbojnë pyjet e kullotat nga jugu në veri

Zjarret duket se kane pushtuar pyjet dhe kullotat e vendit nga veriu në jug. Thuajse ne territoret e të gjitha bashkive të vendit janë raportuar vatra zjarri, por aktualisht me problematiket mbeten ato në Pyllin e Semanit dhe në territoret e Shkodrës dhe Lezhës, ku prej ditësh vazhdojnë të digjen sipërfaqe me pyje dhe kullota, ullishte dhe pemëtari.

Zjarret po favorizohen si nga temperaturat e larta ashtu edhe nga era e fortë, që ndihmon në përhapjen e shpejtë. Sipas të dhënave nga Agjencia Kombëtare e Mbrojtjes Civile, nga 329 vatra zjarri që janë konstatuar që nga janari, 168 janë shënuar vetëm gjatë muajit korrik, duke djegur qindra hektarë dhe duke shkrumbuar mijëra rrënjë ullinj dhe pemëtari.

Edhe pse autoritet dhe shërbimet zjarrfikëse raportojnë se shumica e vatrave të zjarrit gjatë kësaj periudhe janë të qëllimshme, deri tani nuk ka ndonjë person të evidentuar dhe aq më pak të ndaluar nga Policia. Nga ana tjetër, forcat zjarrfikëse dhe të ndihmuara nga forcat e ushtrisë e banorët e zonave, janë në përpjekje të vazhdueshme për të vënë nën kontroll flakët, por ka edhe zona të tëra që po digjen në gjendje të lirë pasi terreni e bën të pamundur afrimin  e mjeteve apo njerëzve.

  • LAJMI I FUNDIT | Elbasan, një person qëllon me armë në drejtim të Policisë
  • LAJMI I FUNDIT | Policia: Si pasojë e të shtënave janë plagosur dy kalimtarë
  • LAJMI I FUNDIT | Elbasan, në vendngjarje kanë mbërritur Forcat Shqiponja, pritet FNSH
  • LAJMI I FUNDIT | Ngjarja në Elbasan, Policia: Personi vijon të qëllojë me armë, bën rezistencë
  • LAJMI I FUNDIT | Ngjarja në Elbasan, Policia: Banesa është rrethuar nga Forcat Shqiponja
  • LAJMI I FUNDIT | Elbasan, personi i cili po qëllon, i identifikuar si Lefter Zhidru, 71 vjeç