Presidenti i Republikës, Ilir Meta ka dekretuar dhe 4 ligje të miratuara së fundmi në Kuvendin e Shqipërisë.
Në njoftimin e Presidencës shkruhet se kreu i shtetit ka dekretuar ligjin për Kodin Ajror të Republikës së Shqipërisë, ndryshimet në ligjin për faturën dhe sistemin e monitorimit të qarkullimit, ndryshimet në ligjin për shkëmbimin automatik të informacionit të llogarive financiare si dhe shtesat në ligjin për procedurat tatimore.
“Presidenti i Republikës, evidenton se, Ministria e Financave, Këshilli i Ministrave dhe Kuvendi, në ndërmarrjen e nismave dhe miratimin e ligjeve bazë, duhet të kishin vlerësuar më mirë të gjitha të dhënat faktike për përcaktimin e afateve kohore realiste, duke shmangur kështu nevojën e amendimeve të vazhdueshme të ligjeve të miratuara rishtaz”, shkruhet mes të tjerash në njoftimin e Presidencës.