Zbardhen vrasjet e Runajt dhe Ramazanit në Elbasan, arrestohen të dyshuarit

Policia e Shtetit bën të ditur se ka arrestuar dy autorët e dyshuar si vrasësit e Rigers Runajt në Elbasan.

Bëhet fjalë për 29-vjeçarin Xholjano Hoxha dhe Euglen Halili, që mendohet të jenë vrasës me pagesë. Sipas autoriteteve, të njëjtat persona dyshohen edhe për vrasjen e Emiliano Ramazanit, i vrarë disa ditë më parë.

Sipas policisë rezulton se viktima Runaj, mbrëmjen e ngjarjes ka qenë në shoqërinë e dy autorëve të dyshuar. Pasi kanë konsumuar lëndë narkotike në një park në afërsi të varrezave të qytetit, personat janë drejtuar për në qytetin e Elbasanit.

Euglen Halili, një nga të dyshuarit e vrasjes

Në afërsi të varrezave, Hoxha ka goditur Runajn një herë me thikë nga mbrapa shpinës dhe më pas e ka goditur edhe 26 herë të tjera duke i shkaktuar vdekjen e menjëhershme.

Ndërkohë, nga momenti që krimi është kryer kundrejt pagesës nga persona të tjerë, vijon puna intensive për kapjen dhe arrestimin e tyre.

Forcat Renea kërkonin provat materiale në lumin Shkumbin

Runaj u vra më 29 korrik në Elbasan, dhe viktima mësohet të ketë qenë i njohur me Ramazanin.

Nga provat e grumbulluara rezulton se Hoxha dhe Halili kanë ndjekur dhe kontrolluar lëvizjet e Ramazanit.