Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Tabaku: 1,3 miliardë euro “shqiptare” investohen në Maqedoninë e Veriut, PD rikthen konkurrues vendin

Nga A2 CNN
9 Gusht 2020, 11:26 | Politikë
Tabaku: 1,3 miliardë euro “shqiptare” investohen në

Ish-deputetja e Partisë Demokratike, Jorida Tabaku, thotë se bizneset shqiptare kanë investuar 1,3 miliardë euro jashtë vendit, shumica në Maqedoninë e Veriut, duke e cilësuar këtë si një dështim të qeverisë Rama.

“Jo vetëm nuk tërheqim investime të huaja por as nuk bindim bizneset vendase të investojnë në Shqipëri. Mijëra vende të reja pune në Maqedoninë e Veriut prej investimeve te biznesit shqiptar, ndërkohë që radhët e të papunëve në Shqipëri shtohen përditë”, shkruan Tabaku në Facebook

“Pse ndodh kjo? Sepse kryeministri në ikje ka krijuar klimën më mbytëse për punësimin, investimet dhe sipërmarrjen shqiptare. Në vend të ndihmës për ekonominë, Qeveria Rama ka shpërdoruar dhe vjedhur me PPP-të korruptive një vlerë  sa 13% e Prodhimit të Brendshëm, afërsisht sa investimet e humbura në Shqipëri. Këto miliarda euro dhe mijëra vende pune të humbura për shqiptarët, fqinji ynë na i ka marrë si pasojë e politikave fiskale dhe ekonomike pro-biznes. Vetëm për  2019 vlera që kemi humbur ka qenë sa 10% e PBB-së”.

Tabaku shtoi se bizneset dhe qytetarët shqiptarë kanë nevojë për frymëmarrje dhe programi ekonomik i PD ka objektiv pikërisht këtë. “Eliminimi dhe reduktimi i 18 taksave dhe mbi 60 tarifave, moratoriumi 1-vjeçar për inspektoratet si dhe lehtësimi i çdo procedure burokratike dhe prezantimi i taksës së sheshtë 9%, do ta kthejnë Shqipërinë në një vend normal dhe shumë konkurrues me qëllim investimet më të larta në rajon. Fokusi ynë është të luftojmë për çdo vend pune, dhe të mbështesim çdo sipërmarrje, duke i rikthyer frymëmarrjen ekonomisë.

Shqipëria në punë është një program real që ka në bazë bizneset e ndershme e njerëzit punëtorë! Sot më shumë se kurrë kemi nevojë ti japim shpresë të rinjve e ta bëjmë Shqipërinë një vend të denjë për të jetuar e punuar! Shqipëria në punë është oferta jonë për bizneset që mos të shpenzojnë miliarda jashtë vendit: të luftojmë bashkë për investime  të reja dhe vende të sigurta pune me paga dinjitoze në vendin tonë”.

A2 CNN Livestream

Debat - nga Alba Alishani